ازاى تعمل تسويق حملة انتخابية فى مصر
مبدأيا كدة هتلاقى الوصايا السبعة لتسويق حملة انتخابية مزيج من الحقيقة و الواقع الساخر
اولاً :
هتمسك كدة المرشح بتاعنا و تشوف مؤهلاته ايه و البرنامج الانتخابى ( اذا لاقيت يعنى ) و الخطة الزمنية لتحقيق الكلام دا و اعمل مقارنة مع المنافسين بتوعة swot analysis يعنى
ثانياً :
حاول تختار رمز مشهور زى الهلال او النجمة ( حاجة تنضف بيها ) زى اللوجو كدة اللى هيعلق مع الناس .
ثالثاً :
الـTagline بتاعك حاجة كدة زى ( تحيا مصر ) .
رابعاً :
نخش بقى على الـTargeted Audience هنقسم الشعب لفئات زى
1- طبقه غير متعلمه و طبقة متعلمة وفى الانتخابات اعتبرهم زى بعض عادى
2 – شباب و ممكن تشيلهم من الحسبة عادى
3 – طبقه مثقفه او عاملين نفسهم كدة
4- رجال اعمال و غالبا هما اللى هتلاقيهم المرشحين نفسهم
5- رجال و سيدات و حط تحت السيدات الف خط
التسويق اوفلاين :
شوية يفط على بنرات و تيشيرتات الناس ( تلبسهم ) على شوية زيطة وزمبليطة و اغنية لحمو بيكا اديها awareness .
التسويق اونلاين :
ركز فيه على الشباب و بيع لهم شوية الاحلام وردية زى بتوع التنمية البشرية كدة كلام و بس واطلع اتكلم لايف كتير قوى .
المثقفين :
اتكلم عن الحريات و التعدد و الديموقراطية و الابداع ( و انتوا عارفين انكم بتكدبوا على بعض )
رجال الاعمال :
اتكلم عن المشاريع والبيزنس والاستثمار و عشان تطمنهم اكتر ( ادخل معاهم شريك ) .
السيدات :
العب على العاطفة بتجيب معاهم قوى و اتكلم عن حقوقها ( اللى انت اصلا مش مؤمن بيها ) .
خامساً :
اطلع اعمل مناظرة مع المنافس بتاعك ( خلونا نشوف الفضايح ) .
سادساً :
متنساش تتكلم عن عاش الهلال مع الصليب و تجيب شيخ و قسيس تخليهم يبوسوا بعض من بوقهم .
سابعاً :
امدح في الشرطه والجيش والقضاء والاعلام بسبب و من غير سبب و مش مهم الستة اللى فاتوا .
و بكدة تكون عملت اسهل تسويق حملة انتخابية فى مصر
و دى قناتي على اليوتيوب لو عايز تبلغ عني
https://www.youtube.com/c/EmadMohameddigitalmarketing